1 снежня - Сусветны дзень барацьбы са СНІДам
У рамках сусветнага дня барацьбы са СНІДам была праведзена інфармацыйная гадзіна на дадзеную тээматыку.
Не думайце, што праблема ВІЧ/СНІД не мае да вас дачынення. Вы жывяце ў грамадстве, якому часам не хапае дасканаласці, а гэта значыць, што трэба прыстасавацца да яго і ўмець супрацьстаяць спакусам, якія сустракаюцца ў штодзённым жыцці.
Што такое ВІЧ і СНІД?
ВІЧ (вірус імунадэфіцыту чалавека) - гэта вірус, які перадаецца ад чалавека да чалавека пэўнымі шляхамі і выклікае разбурэнне імуннай сістэмы чалавека.
СНІД (сіндром набытага імуннага дэфіцыту) - гэта апошняя стадыя ВІЧ-інфекцыі.
Чалавек можа заразіцца ВІЧ-інфекцыяй падчас сэксуальнага кантакту без выкарыстання прэзерватыва з партнёрам, у арганізме якога прысутнічае ВІЧ, а таксама ў выпадку сумеснага карыстання адным шпрыцом пры спажыванні наркотыкаў.
ВІЧ-станоўчыя жанчыны могуць перадаць вірус дзіцяці падчас цяжарнасці, у момант родаў або пры кармленні грудзьмі.
Нягледзячы на тое, што пад уздзеяннем віруса, які пракраўся ў арганізм, імунная сістэма паступова слабее, ВІЧ-станоўчы чалавек можа адчуваць сябе добра на працягу некалькіх гадоў. Выявіць наяўнасць віруса ў арганізме дапаможа тэставанне на ВІЧ.
