Урок мужнасці "Чарнобыль - чорная быль"
Да 37 гадавіны памяці аб Чарнобыльскай трагедыі для навучэнцаў 4 класаў прайшоў урок мужнасці « Чарнобыль - чорная быль». Навучэнцы даведаліся аб магутнай і страшнай тэхнагеннай катастрофе XX стагоддзя і яе наступствах для жыцця ўсяго жывога на зямлі, а таксама аб подзвігу ліквідатараў, якія першымі аказаліся ў зоне адчужэння і цаной свайго здароўя і жыцця выпраўлялі наступствы атамнага выбуху. Вучням было прапанавана паглядзець дакументальны фільм аб трагедыі "Чарнобыль: лёсы, падзеі, памяць". Пасля чаго яны прынялі ўдзел у абмеркаванні.
Кожны год 26 красавіка мы ўспамінаем герояў-пажарнікаў, вайскоўцаў, якія прынялі самы страшны ўдар на сябе і памерлі пасля прамянёвай хваробы. Жахліва шкада тых, хто загінуў, ратуючы тысячы жыццяў іншых людзей!
