Вандроўка па Беларусі
Кожны кут радзімы –
Гэта быль і казка.
Кліча край любімы:
Дзеці, калі ласка.
Такімі словамі пачалося мерапрыемства “Вандроўка па Беларусі”, якое ладзілася ў школьнай бібліятэцы.
Дзеці распавядалі аб тых куточках роднай зямлі, дзе ім пашчасціла пабываць у час правядзення акцыі “Збярэм Беларусь у сваім сэрцы”.
Гарады Шчучын, Гродна, Пружаны, Брэст, гарадскія пасёлкі Бярозаўка, Ружаны паўсталі перад удзельнікамі мерапрыемства вачыма дзяцей, якія прымалі ўдзел у экскурсійных паездках, знаёміліся з архітэктурнымі помнікамі, прамысловасцю, культурай і побытам насельніцтва. Вялікая даследчая работа праведзена навучэнцамі накануне мерапрыемства, школьнікі сістэматызавалі фотаздымкі і відэаматэрыялы, вывучалі гісторыю ўзнікнення і развіцця кожнага населенага пункта.
