Дзень роднай мовы
"Жывое ў вяках беларускае слова - народа душа і народа хвала. О матчына мова! Маленства вясна! Ніколі ніхто мне цябе не заменіць, бо ты, як маці, на свеце адна". А.Бачыла.
Беларуская мова - дзяржаўная і нацыянальная мова беларускага народа. На зямным шары каля трох тысяч найбольш вывучаных моў, сярод іх - 12 славянскіх. Беларуская мова - адна са славянскіх моў. Яна пачала складвацца шмат вякоў назад. Вялікую ролю ў развіцці старажытнай беларускай мовы адыграла ўзнікненне кнігадрукавання.
"Звіні і квітней, мая родная мова!" - так называлася агульнашкольнае мерапрыемства, прысвечанае Дню роднай мовы, які штогод адзначаецца 21 лютага. Другакласнікі з задавальненнем слухалі вершы, выконвалі песню, складалі пасловіцы. У конкурсе чытальнікаў прыняў удзел Пацалуйка Яўгеній з вершам Эдзі Агняцвет "Маме". Закончылася мерапрыемства заклікам "Давайце размаўляць па-беларуску!"
